Bo mester kier baha peso, no pensa so pa baha y kere cu e ta sosode di mes, no, bo mester desea y haci tambe di bo parti. Pensa cu controla bo peso mester ta algo natural pa cuida bo mes, especialmente cu Covid-19 y variante Delta ta den ambiente.
Habri bo dia cu un bon glas di awa lauw 30 minuut prome cu bo desayuno, no bebe pura, tuma bo tempo pa bebe, e ta activa bo digestion. Ideal ta tambe pa añadi mita lamoenchi den bo glas di awa, sin sucu y bebe esaki mainta.
Ora cu bo ta bay come merdia, bebe un glas di awa lauw 30 minuut prome cu bo come y 30 minuut despues. E ta yuda reduci hamber y caloria, tambe e ta bon pa digestion.
No yena bo tayo cu hopi cuminda, mas fibra, berdura y e minimo di carni. De bes encuando tira Cayenne Pepper den bo cuminda, e ta yudabo sinti completo sin a come hopi y e ta nutritivo.
Reduci carbohidrato den bo cuminda, por ehempel evita aros blanco y batata mas tanto cu por.
Evita Junk food.
Kauw bo cuminda bon, tin investigashon haci cu ta comproba cu menos bo kauw bo cuminda, mas gordo bo ta bira.
Uza mas Ginger den bo seasoning, e ta sabroso, e tin hopi balor nutritivo y ta bon pa digestion pa yuda baha peso.
Haci ehercicio 30 minuut tur dia, pensa cu esaki tambe mester bira algo natural, no cu bo ta haci bo curpa un fabor haciendo ehercicio. Bo curpa ta haci hopi pa cuida abo tur dia, e mester di e energia di movecion pa brindabo vitalidad y tene bo den e peso mas adecuado pa bo salud.
Comentarios