Alcohol tin influencia den bida di un pareha y famia. Segun estudionan tanto na Europa como na Merca; Alcohol ta haci cambio riba e comportacion di e hende y e ta influencia e relacion entre pareha y demas miembronan di famia. Mas frecuente un persona ta bebe alcohol mas problema e por causa cu su cambio di comportacion door di causa iritacion serca su pareha y sernan keri. Nan ta esnan mas serca cu tin cu soporta e efectonan di e cambio di personalidad cu ta bira mas frecuente.
Pa loke ta e bida personal of intimo di un pareha; alcohol definitivamente no ta yuda mehora e relacion, mas bien e ta causa cu diferencianan di opinion no ta wordo soluciona cu conversacion y comprencion, sino cu alteracion di temperamento, grito y violencia. Enves di menos argumento ta surgi mas argumento pa discussion.
Den e bida intimo di un pareha tambe cambionan ta tuma luga, especialmente di parti di e hende homber, alcohol por causa impotencia sexual gradualmente. E muhe ta cuminsa sinti su mes neglisha y no stima.
Alcohol ta haci un persona menos consciente di su realidad y ta cuminsa actua mas egoista, tumando mas riesgo y hasta e por bira mas lihe violento.
Pa un relacion interpersonal ta exitoso y feliz e ta rekueri pa hende ta consciente y haci cosnan cu consideracion pa otro y hunto. Alcohol den e caso aki pues no ta yuda, mas bien un persona cu ta bebe frecuente ta interesa solamente den su satisfaccion y no di su pareha. E ta prefera di sali trip na Bar y café pa satisface su mes y asina ta perde consideracion di su pareha y demas miembronan di famia. Pues den hopi aspecto Alcohol ta stroba un pareha y famia pa por biba feliz.
Comments