CON PA TENE LAGADISHINAN PAFO DI BO HARDIN DI MATA DI BERDURA

Esaki ta un reto cu tur hende na Aruba tin ora di planta nan matanan di berdura. Aruba su lagadishi tin apetit pa blachinan di mata di berdura y nan ta haci tur loke por pa logra nan meta. Pa combati nan tin hende ta traha un sopi di promente cu cayenne pepper y basha esaki riba e tera rond di e matanan y spuit rond di e pochinan di mata.

E promente cu e cayenne pepper ta manda un holo fuerte cu e lagadishinan no gusta. Tambe si bo colga algun CD bieu pa nan draai rond of riba e matanan ta yuda. E CD ta move hopi y ta manda un rayo di claridad cu ta spanta e lagadishinan. Pone casca di webo sin laba tambe ta yuda, pone nan rond di e matanan den e pochi y algun pafo, lagadishi no ta gusta e holo.