Si bo yiu tin 12 aña of mas, e miho conseho ta pa e ta vacuna, asina e ta proteha si encaso e haya Covid, e sintomanan lo ta mas leve.
Cada mucha cuminsando for di 12 aña mester bisti tapaboca den klas, sea e ta vacuna of no, no lubida di laba tapabocanan di tela regularmente, preferibel tur dia.
Duna bo yiu ehempel con pa bisti y kita un tapaboca, evita mishi dilanti ora cu ta kit’e, tene na e lastiek na banda pa pone y kita.
Instrui bo yiu pa no bisti ni mishi cu tapaboca di ningun otro hende.
Siña bo yui niester of tosa den elleboog.
Siña bo yiu pa limpia su man cada bes cu e kita y bisti e tapaboca y na momento cu e mishi cu man di porta na scol of bus.
Ta sugeri pa mantene distancia di 1.5 meter mas tanto cu por entre hobenan 12 aña pa riba.
Den bus pa bay scol, purba sinta banda di un stoel bashi pa e siguiente simannan.
Percura pa bo yiu tin algo pa haci su man limpi, hand sanitizer den su tas.
Motiva bo yiu pa come alimentonan saludabel manera fruta y berdura y haci un deporte unda ta rekeri movecion.
Comments