Derecho y Debernan di mucha

Pabien nos muchanan, derecho y debernan. 20 November.

Top 12 Derechonan di Mucha 1. Respeta opinionnan di e mucha E muchanan tin derecho di opina libremente tocante temanan cu ta afecta nan. Adultonan mester scucha e mucha y tuma e mucha na serio. 2. Mantene e famianan uni Muchanan no por wordo separa di nan mayornan a menos cu nan no ta wordo atendi adecuadamente. E muchanan cu nan mayornan no ta biba hunto mester keda den contacto cu tur dos mayor a menos cu nan por daña e mucha. 3. Proteccion di privacidad Tur mucha tin e derecho di tin su privacidad. E ley mester proteha privacidad, famia, hogar, comunicacion y reputacion (of bon nomber) di e muchanan di cualkier atake. 4. No mester tin discriminacion Tur mucha tin e derechonan aki, sin importa ken nan ta, unda nan ta biba, cua idioma nan ta papia, cua ta nan religion, kiko nan ta pensa, con nan aparencia ta, si nan ta mucha homber of mucha muhe, si nan tin un descapacidad, si nan ta rico of pober, sin importa kendenan ta nan tata y mama of nan famia, of kiko nan famianan ta pensa of hasi. Ningun mucha mester wordo trata inhustamente pa ningun motibo. 5. Libertad di pensamento y religion Muchanan por eligi nan propio pensamentonan, opinionnan y religion, pero esaki no mester impedi cu otro personanan ta disfruta di nan derechonan. Mayornan por orienta nan yiunan pa ora cu nan ta creciendo,nan siña utilize corectamente e derecho aki. Muchan mester descansa, hunga, ta den cualtura, arte, y actividadnan creativo. 6. Obhetivonan di educacion Educacion di nos muchanan mester yudanan pa desaroya nan personalidad, nan talento y habilidadnan plenamente. Mester siñanan compronde nan propio derechonan y pa respeta esnan di otro. Mester yudanan pa biba na Paz y pa proteha Medio Ambiente. 7. Salud, awa, cuminda, medio ambiente. Nos Muchanan tin e derecho di haya e miho atencion medico posibel, awa pa bebe, alimentonan saludabel pa come y un Ambiente limpi y sigur pa biba aden. 8. Acceso na informacion Muchanan tin e derecho pa obtene informacion di Internet, radio, television, corant, buki y otro fuentenan. Adultonan mester asegura cu e informacion cu e mucha ta ricibi no ta dañino. 9. Proteccion contra di abuso sexual Gobierno mester proteha e muchanan di explotacion sexual (pa no probecha di e muchanan) y di abuso sexual. 10. Recuperacion y reintegracion Muchanan tin e derecho pa ricibi ayudo si nan a ser herida, bandona, maltrata of afecta pa guera, pa nan por recupera nan salud y dignidad bek. 11. Responsabilidadnan di e mayornan Mayoran ta e responsabelnan principal di e cuido di un yiu. Ora cu un mucha no tin mayornan, un otro adulto lo haya e responsabilidad ey y e lo bira su "tutor/voogd". Mayornan semper mester considera kiko ta miho pa e yiunan. Ora un yiu tin tur dos mayor tur dos mester ta responsabel pa cuida e yiu (nan). 12. Muchanan cu descapacidad Tur mucha cu discapacidad mester disfruta di un miho bida posibel den sociedad. Tur gobierno mester elimina tur e obstaculonan cu por presenta pa stroba e muchanan aki di tin un bida independiente y cu nan ta participa activamente den comunidad.

Debernan di un mucha di diferente edad Na Cas: Respeta y Obedece nan mayornan Yuda organisa e tareanan di cas Yuda na cas cu tareanan Saca e saconan di sushi Laba auto Cuida nan mes ( skeiro djente, baña) Cuida Medio Ambiente (hardin y otro camindanan) Cuida nan Mascotanan Hasi nan kamber limpi Cuida nan Grandinan den enfermedad Hasi nan huiswerk miho cu nan por Na Scol of lugarnan Publico: Respeta propiedadnan Publico y Priva No Bully otronan Siña mas tanto cu ta posibel na scol y yuda otronan tambe siña Respeta otronan pensamento y religion, maske bo no ta di acuerdo cu nan Scucha otronan Mustra Amor y Respet pa Otronan Ta lo miho cu nan por ta No consumi substancianan dañino pa nan Salud Respeta nan Pais y e Leynan di nan Pais, y asina converti nan mes den ciudadanonan cu e Pais tin mester