Pa busca cos di hasi riba Dia di Tata por ta dificil. Si bo tin hopi problema pa pensa algo pa hasi; purba algun di e tips nan cu ta sigui. Of uza nan pa cuminsa haya un idea con pa duna honor y balor na bo Tata, Paps, Papa, Papi of Papai.
Pasa tempo di calidad cu Papi
1. Bay pasa un dia pafor di cas den Naturaleza, por ehempel bishita Parke Nacional Arikok.
Prepara bo plan di antemano, por ehempel cu un Mirado di Parha "Bird Watcher" of un Conocedo di Naturaleza.
2. Malcria Papi cu Desayuno riba cama
Riba Google nos por haya un sinfin di ideanan pa un desayuno super especial pa Papi. Riba e idea di kiko Papi ta gusta bo(so) ta traha su desayuno p’e. Si a cumpra otro regalo p'e por habri e regalonan e memento aki. Si a cumpra regalo na Noel Gift pa Papa por habri e regalonan e memento aki.
3. Sali bay core riba bicicleta cu Paps
Ta papia pa su mes. Por fabor tene na cuente pa escohe un ruta cu ta sigur/safe.
4. Siña tocante Papi su “Family Tree” – Stamboom
Investiga di antemano Papa su Stamboom y siña conoce mas di pasado di Famia di Papa y su Herencia Social - Cultural.
Esaki por ta un forma bo siña conoce boso famia mas complete; di pasado y presente.
5. Prepara un Scavenger Hunt
Scavenger hunt por ta un actividad hopi agradabel y pret pa hasi cu famia. E ta un manera tremendo tambe, pa sconde regalonan. E Dia di Tata venidero, purba di hasi un Scavenger Hunt pa Dia di Tata.
6. Traha un Puzzle hunto cu Papi
Combina e dunamento di regalo(nan) cu un actividad. Regala Papa un puzzle. Pa hasi e dia aki extra especial bo por laga traha un puzzle, di un potret di famia of un collage, cu lo ta un regalo unico y aprecia!
7. Hunga Weganan of Organiza un Competencia Familiar
Pensa riba un set di wega pa por competi cu otro manera un famia henter. Tambe por gana premionan ! Por ehempel ; weganan di mesa, of hungando weganan competitivo: bowling, scopet di awa, tiramento di renchi, Mens erger e niet cu dou grandi, hunga carta, video games etc.,
8. Traha un Obra di Man Personal pa Papi
Traha un Obra di Man pa Papi (frame cu Papi su Potret) y online bo por haya tips di hopi tipo di regalo cu bo mes por traha den un rato di ora pa PAPA)
9. Muchanan por haci un Show Special pa Papi
E por ta un Poesia, Stand-up comedy, Musica, baile y canto, Poppenkast, Show di Talento Special di Magia etc.,
10. Traha un DINNER SPECIAL pa Papi
Traha cuminda delicioso cu Papi y henter famia por disfruta pa bo demostra bo Amor pa Papi. Un treat special pa Papa; manera algo criollo, dessert etc., cu abo of boso mes a traha especialmente p’e.
Comentarios