E cuminda aki ta un opcion substancial vegetariano excelente y ta destaca pa su textura. E noodelsnan transparente parecido na glas ta parce e noodelsnan regular cu ta traha di bonchi mungo mula, tambe yama hilo di bonchi.
Nan ta facil pa haya y pa prepara cu un textura increibel pa duna sabor !
Ademas e tofu, e mushroom Shiitake fresco y e kool lo duna e plato un contraste bunita pero tambe hopi dushi.
E Tofu hasa ta un cambio compara cu e tofu garna of corta na bloki den e cuminda. (*Tofu duro gepres ta perfecto pa hasa pasobra su textura ta firme; e otro tipo di Tofu ta mas suave y ta bon pa steam)
Nota:
Por fabor sea alerta si bo persona tin alergia pa cualkier producto.
Ingredientenan
100 gram di noodel transparente/glas (tambe yama hilo di bonchi)
3 cuchara grandi di light soy sauce
1 cuchara grandi di vinager di malta
1 cuchara grandi di sucu bruin
½ cuchara chikito di zeta di sesame
cuchara chikito di zeta di pinda
bloki di Ginger di 5cm x 2cm bloki - 20 gram corta fini fini
6 Shiitake mushroom fresco cu stengel kita pero lag’e hente
110 gram di tofu gespiced mas o menos ½ paki corta na bloki mediano
3 cuchara grandi di biña shao hsing of dry sherry (opcional)
2 pida conoflo machica (opcional)
blachi grandi di kool chines, slice e kool chines diagonal y diki
100 gram (1 paki) di fresh black cloud ear fungus, kita e parti duro meymey
siboyo corta den slice di 7 cm largo (opcional)
Fresh black cloud ear fungus/ mushroom fresco yama horea preto.
Metodo
Paso 1
Soak e noodelnan den aw’i kranchi pa 15 minuut. Scuri nan bon, uzando sker di cushina pa corta nan den pidanan cu ta manehabel.
Paso 2
Combina e Soy Sauce, vinager, sucu y zeta di sesame den un comchi chikito y pon’e un banda.
Paso 3
Keinta e zeta di pinda den un wok te ora cu e fondo di e wok mustra cu e ta briya . Agrega e ginger, mushroom y tofu y laga nan hasa; mester drei constantemente pa 2 minuut of te ora cu e tofu ta medio color bruin oro.
Paso 4
Agrega e biña of sherry y cushina pa 30 seconde. Agrega e conoflo (opcional) e kool chines y e black cloud ear mushroom y sigui hasa pa 1 minuut mas.
Paso 5
Agrega e mix di Soy Sauce, noodles y siboyo (opcional) y sigui hasa pa 2 minuut, of te ora cu e noodles nan ta bon cayente.
Sirbi’e inmediatamente y…. Bon Apetit !
Por sirbi’e cu:
Aros blanco
Pampuna herbi
Comments